हिवाळी अधिवेशन काळात कृषिमंत्री अब्दुल सत्तार यांच्यावर अनेक गंभीर आरोप विरोधकांनी केले. अब्दुल सत्तार यांनी याबाबत मोठा गौप्यस्फोट करत आपल्याच पक्षला घरचा आहेर दिला आहे. माझ्याच पक्षातील नेते माझ्याविरोधात कट रचत असल्याचा गंभीर आरोप सत्तार यांनी केला.
अब्दुल सत्तार यांच्या या विधानामुळे राजकीय गोटात मोठी खळबळ उडाली आहे. त्यामुळे शिंदे गटात अंतर्गत कुरघोडी सुरु असल्याची चर्चा आता रंगताना पाहायला मिळत आहे. अब्दुल सत्तार यांनी प्रसार माध्यमांशी बोलताना अनेक गौप्यस्फोट केले आहेत.
सत्तारांचा शिंदे गटाला घरचा आहेर ...
Letsupp Krushi
अब्दुल सत्तार यांच्यावर टीईटी घोटाळा, सिल्लोड येथील कृषीमहोत्सव आणि वाशीम येथील गायरान जमिनीवरून मोठ्याप्रमाणावर आरोप होत आहे. दरम्यान यावर पहिल्यांदाच अब्दुल सत्तार बोलले आहेत. ते म्हणाले मला बदनाम करण्याचा प्रयत्न होत आहे. यात काही माझ्या पक्षातील असू शकतात तर काही माझे हितचिंतक आहेत.
*घरचेच निघाले घरभेदी*
यावेळी बोलतांना अब्दुल सत्तार म्हणाले की, माझ्यावर झालेल्या सर्व आरोपाचे खुलासे मी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडे केला आहे. मी राज्यमंत्री नसतानाही त्या काळातील आरोप माझ्यावर करण्यात आले. मला बदनाम करण्याचा प्रयत्न सुरु आहे. माझ्या पक्षातील देखील काही लोकं यात असू शकतात. तर विरोधी पक्षात देखील माझे अनेक हितचिंतक आहेत. माझ्यासारखा अल्पसंख्याक व्यक्ती कृषिमंत्री पदावर बसल्याने अनेकांना पाहिले जात नाही. त्यामुळे सतत माझ्याविरोधात कट कारस्थान रचले जात असल्याचा आरोप अब्दुल सत्तार यांनी केला आहे.
